გორში 50-წლამდე ასაკის მუშა დაშავდა. სააგენტო qartli.ge-ს ინფორმაციით, მანქანაზე მდგომ მუშას ბანერი ხელში ეჭირა, ძლიერი ქარის გამო თავი ვერ შეიკავა და მანქანიდან გადავარდა.

სააგენტოს ცნობით, დაშავებული კეთილმოწყობის სამსახურის თანამშრომელია. მუშის დაშავება შინაგან საქმეთა სამინისტროში On.ge-ს დაუდასტურეს. უწყების ცნობით, გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

ფოტო: qartli.ge

ფოტო: qartli.ge