გადაცემაში შეხვედრები რეგიონულ მედიასთან ბიძინა ივანიშვილმა განაცხადა, რომ ახალგორის ტრაგედია წინა ხელისუფლების დაუდევრობისა და მიხეილ სააკაშვილის მიერ ერთპიროვნული გადაწყვეტილებების ბრალია:

"ეს არის ერთი კაცი რომ ყველაფერს წყვეტდა და ამ კაცს კიდევ რისი გონება ჰქონდა, ყველაფერში მაგარი რომ ეგონა თავი და ამ დროს თავისუფლად ეს ახალგორი ჯერ მიაკუთვნა და მერე დაკარგა. ვუთანაგრძნობ ჩვენს თანამოქალაქეებს, ვინც ეს დიდი უბედურება გადაიტანა".

ერთ-ერთმა ჟურნალისტმა ბიძინა ივანიშვილს ასევე უამბო ივანიშვილს, რომ მცხეთა-მთიანეთში ყოფილი გუბერნატორი და ახლა უკვე მაჟორიტარობის დამოუკიდებელი კანდიდატი, ცეზარ ჩოჩელი მისთვის ხმის მიცემის სანაცვლოდ მოსახლეობის მოქრთამვას ფულით ცდილობს, დასაქმებულებს კი სამსახურიდან გაშვებით ემუქრება.

აღნიშნულთან დაკავშირებით, ივანიშვილმა განაცხადა, რომ ზოგადად ამ პრაქტიკას წინა ხელისუფლება მიმართავდა და ქართული ოცნება ამომრჩევლის მოქრთამვასა და მის დაშინებაზე უარს ამბობს.