პარლამენტის ადამიანის უფლებათა დაცვის კომიტეტის თავმჯდომარე, სოფო კილაძე ამბობს, რომ არ ჰგონია, მამუკა ხაზარაძეს ძალიან დიდი მხარდაჭერა ჰქონდეს. ასე ეხმაურება კილაძე ხაზარაძის მიერ საზოგადოებრივი მოძრაობას დაფუძნების დაანონსებას.

მისივე თქმით, რა შანსები აქვს მამუკა ხაზარაძეს პოლიტიკურად, ეს საზოგადოების გადასაწყვეტია.

"ყველას აქვს უფლება, დააფუძნოს მოძრაობა და იმუშაოს და იმოქმედოს იმ არეალში, რომელსაც თვითონ ჩათვლის საჭიროდ, მათ შორის, რა თქმა უნდა, პოლიტიკური მოძრაობის შექმნის კუთხით. ჩემი აზრით, ჩემი შეფასებით, ეს უფრო, ალბათ, პოლიტიკური პარტიისკენ გადადგმული ნაბიჯია", — თქვა კილაძემ.

მამუკა ხაზარიძის ინფორმაციით, მეგობრებთან და თანამოაზრეებთან, სხვადასხვა სფეროს პროფესიონალებთან ერთად საზოგადოებრივ მოძრაობას სექტემბერში დააფუძნებს და მთავარი მიზანი ქვეყნის გაერთიანება და მისი დამოუკიდებლობის და თავისუფლების შენარჩუნება იქნება.