ნეტფლიქსმა დუეინ ჯონსონის ექშენ ფილმი Red Notice იუნივერსალ ფიქჩერსისგან გადაიბარა და სამსახიობო გუნდს რაიან რეინოლდსი დაუმატა.

Red Notice იუნივერსალს უნდა გამოეშვა, თუმცა სტუდიამ ფილმი, რომლის პრემიერაც 2020 წლის 13 ნოემბერს უნდა შემდგარიყო, საპრემიერო თარიღიდან მოხსნა და ჯერ კიდევ უცნობი ფილმით ჩაანაცვლა.

ჯონსონი ისევ ერთიანდება როუსონ მარშალ სერბერთან, რომელიც Skyscraper-ისა და Central Intelligence-ის სცენარისტი და რეჟისორია. დუეინის პერსონაჟი ინტერპოლის აგენტია, რომელსაც ხელოვნების ყველაზე პროფესიონალი ქურდის დაჭერა დაავალეს.

Wonder Woman-ის ვარსკვლავი გალ გადოტი ფილმს აპრილში შეუერთდა. ჯონსონი წარმოების დასაწყებად პირველი $20 მილიონის ჩეკს ელოდება. 2020 წელს ფილმისთვის სხვადასხვა ლოკაციების შესარჩევი ფოტოსესიები დაიწყება.