სადაზღვევო კომპანია ალდაგი მომხმარებელს ავტოდაზღვევაზე განახლებულ პირობებს სთავაზობს. მათ, ვინც ზაფხულის განმავლობაში ალდაგში დააზღვევს ავტომობილს ან განაახლებს ავტოდაზღვევას, ეძლევა საშუალება, ისარგებლოს განსაკუთრებული პირობებით:

  1. ინდივიდუალურად გამოთვლილი პრემია;
  2. მომხმარებელზე მორგებული სადაზღვევო ნაკრები;
  3. 0% ფრანშიზა_ანუ თანამონაწილეობის გარეშე ანაზღაურება;
  4. უფლებამოსილი მძღოლების შეუზღუდაობა;
  5. საჩუქრები.

ინდივიდუალურად გამოთვლილი პრემია გულისხმობს თითოეულ კლიენტზე მორგებულ ფასს, რომელიც ავტომობილის მფლობელის ისტორიიდან და გამოცდილებიდან გამომდინარე ითვლება. იმ მომხმარებლებს, რომლებსაც სადაზღვევო კომპანიაში კარგი ისტორია აქვთ, ალდაგი სპეციალურ ფასს და ინდივიდუალურ საჭიროებებზე მორგებულ სადაზღვევო ნაკრებს სთავაზობს.

0% -იანი ფრანშიზა გულისხმობს ზარალის ანაზღაურებას მომხმარებლის თანამონაწილეობის გარეშე ანუ სადაზღვევო შემთხვევის დადგომისას კლიენტს არანაირი ხარჯი არ ექნება.

რაც შეეხება უფლებამოსილი მძღოლების შეუზღუდაობას, ეს ნიშნავს კლიენტისთვის ისეთი დამატებითი კომფორტის შექმნას, როგორიცაა ავტომობილის სხვის სარგებლობაში გადაცემა ნებისმიერ სასურველ დროს. თუ მანამდე მძღოლს მოეთხოვებოდა სადაზღვევო კომპანიაში უფლებამოსილი მძღოლების დასახელება და საჭირო დოკუმენტაციის წარმოდგენა, ახლა ეს პროცედურა საჭირო აღარ არის, რადგან იმ შემთხვევაშიც კი, თუ ავარიის დროს, მძღოლის კუთვნილ მანქანას სხვა პირი მართავდა, ეს ანაზღაურებისას ხელისშემშლელი ფაქტორი აღარ იქნება.

გარდა სტანდარტული საჩუქრებისა, როგორებიცაა ფასდაკლებები ავტომობილის რეცხვაზე, საწვავსა და ავტონაწილებზე, ალდაგი მომხმარებლებს, ავდოტაზღვევის აქციის ფარგლებში, სთავაზობს უფასო ტექდათვალიერების ვაუჩერს გრინვეიში, სადაც ძალიან მოკლე დროში და კომფორტულად შესაძლებელია ავტომობილის ტექნიკური შემოწმება.

გარდა ამისა, ალდაგში კიდევ ერთი სასიამოვნო სიახლეა. მათ, ვინც ივლისის თვეში შეიძენს ავტოდაზღვევას ალდაგში, საჩუქრად გადაეცემა საქართველოს სხვადასხვა კუთხეებში მდებარე სასტუმროების ვაუჩერები. შეთავაზებული სასტუმროებიდან მომხმარებელს საშუალება ექნება აირჩიოს მისთვის სასურველი სასტუმრო და 31 დეკემბრამდე, ნებისმიერ დროს ესტუმროს მას.