რუსეთის საგარეო საქმეთა მინისტრის მოადგილე, გრიგორი კარასინი ამბობს, რომ რუსეთი მზად იყო საქართველოსთვის სავიზო რეჟიმი გაეუქმებინა, თუმცა საკითხი გადაიდო. კარასინი საქართველო-რუსეთის ურთიერთობაზე გამოცემა კომერსანტს ესაუბრა.

"ჩვენ სავიზო რეჟიმი მაქსიმალურად ლიბერალური გავხადეთ. რუსეთის ნებისმიერ მოქალაქეს შეუძლია საქართველოდან ნებისმიერი ადამიანი მოიწვიოს. საქართველოს მოქალაქეების რაოდენობა, რომლებიც რუსეთს სტუმრობენ, წლიდან წლამდე იზრდება. ამასთანავე ჩვენ მზად ვიყავით უფრო შორს წავსულიყავით — გაგვეუქმებინა ვიზა", — აღნიშნა კარასინმა.

რუსეთის პრეზიდენტის განკარგულებით, რუსი მოქალაქეების უსაფრთხოების მოტივით 8 ივლისიდან საქართველოსთან სამგზავრო ავიამიმოსვლა დროებით შეწყდება. როგორც კარასინი ამბობს, აღნიშნული ზომა ადეკვატური და აუცილებელი იყო.