ცნობილი რუსი პროდიუსერი იგორ მატვეენკო გამოეხმაურა ქართველი მომღერლის, ნინო ქათამაძის გადაწყვეტილებას რუსეთში კონცერტების შეწყვეტის შესახებ. რუსული სახელისუფლებო მედიების ინფორმაციით, მატვეენკო ფიქრობს, რომ, შესაძლოა, ეს პიარის ნაწილი იყოს.

"ახლა ისეთი დროა, რთული გასაგებია, რამდენად გულწრფელად იცავენ ისინი სამოქალაქო პოზიციას. თუ ეს ყველაფერი პიარის ნაწილია", — განაცხადა მან.

მატვეენკო რუსული შოუბიზნესის ერთ-ერთი ყველაზე გავლენიანი პროდიუსერი და კომპოზიტორია. მას ნამუშევარი აქვს წარმატებული მომღერლების უმრავლესობასთან.

მატვეენკო რუსულ სახელისუფლებო არხზე მუსიკალურ პროექტს ხელმძღვანელობდა. მას ეკუთვნის რუსეთის სახმელეთო არმიის ჰიმნიც.

ნინო ქათამაძემ ბოდიში მოუხადა საზოგადოებას და აქცია #სირცხვილიას მონაწილეებს რუსეთში კონცერტის გამო. მომღერალმა განაცხადა, რომ რუსეთი ოკუპანტია, პუტინი კი მტერი. მისი თქმით, რუსეთში აღარ იმღერებს.