Seven Worlds, One Planet - სერ დევიდ ატენბოროს ახალი დოკუმენტური ფილმების სერიაა, რომელსაც მალე BBC-ზე ვიხილავთ. ამის შესახებ ლეგენდარულმა ბრიტანელმა ნატურალისტმა გლასტონბერის ფესტივალზე ისაუბრა. მან ასევე ხაზი გაუსვა ოკეანის პლასტმასით დაბინძურების პრობლემას და მადლობა გადაუხადა ფესტივალს, რომელმაც პლასტმასის გამოყენებაზე წელს უარი თქვა.

ფესტივალის დამსწრეებს საშუალება ჰქონდათ სერიალის ტრეილერი დიდ ეკრანზე ეხილათ. სერ დევიდ ატენბორო ამჯერად დედამიწის 7 კონტინენტის შესახებ მოუთხრობს მაყურებელს.

ტრეილერის საუნდტრეკი, Out There, ავსტრალიელი შემსრულებლის, Sia-სა და კომპოზიტორ ჰანს ციმერის ერთობლივი ნამუშევარია.

სერიალის პრემიერის ზუსტი თარიღი ჯერ-ჯერობით უცნობია.