პრემიერ-მინისტრი მამუკა ბახტაძე ამბობს, რომ 20 ივნისის აქციის დაშლიშედეგები არ იყო შინაგან საქმეთა სამინისტროს ან მისი ხელმძღვანელის არჩევანი.

"პასუხისმგებლობა ამ შედეგებზე ეკისრება მსჯავრდებულ სააკაშვილს და მის აგრესიულ ჯგუფს, რომლებმაც სცადეს გამოეყენებინათ ახალგაზრდების პროტესტი და იერიში მიიტანეს კონსტიტუციაზე", — აღნიშნა პრემიერმა პრესკონფერენციაზე.

მისივე თქმით, კორდონი, რომელიც იქ იდგა, ვერ უმკლავდებოდა ხალხს და გამოიყენა ლეგიტიმური ძალა:

"თითოეული ჩვენგანი თანხმდება, რომ ცალკეულ შემთხვევაში ადგილი ჰქონდა ძალის გადამეტების შემთხვევებს. ანუ ერთი მხრივ ყველა თანხმდება, რომ ბოლო მომენტამდე ჩვენი სამართალდამცავები აკეთებდნენ ყველაფერს, რომ არ მომხდარიყო რამე, მაგრამ როცა კორდონი ვერ აკავებდა, იძულებული იყვნენ გადაედგათ ნაბიჯები".