ბიძინა ივანიშვილმა GDS-ზე საუბრისას განაცხადა, რომ მისი ინფორმაციით, ნაციონალურ მოძრაობას საზოგადოებრივ ტრანსპორტში სიცრუის გასავრცელებლად 100 "ან უფრო მეტი" ქალი ჰყავს დაქირავებული:

"მათ [ნაციონალურ მოძრაობას] აქვთ დაფუძნებული სამსახური სხვათაშორის. ძალიან ბევრი ჩემს ბიზნესცენტრში მომუშავე თანამშრომელი და ქართუდანაც, ვინც მეტროთი და ავტობუსით მგზავრობს, [მეუბნებიან] მასიურად ავრცელებენ ინფორმაციასო".

ივანიშვილი აცხადებს, რომ ამ ტყუილებს ბევრი იჯერებს:

"100 ქალი ან უფრო მეტი ჰყავთ დაქირავებული, და ლაპარაკობს, "დედა, დედა, ქალო გაიგე? გაიგე თურმე ის გარბის, იმას რაღაც სჭირს, არჩევნების მერე ჯანმრთელობის დაზღვევა აღარ იქნება" და ეს სამსახურიც მათ დააფუძნეს, სეთურის თანამოაზრეები არიან და ყვარყვარიზმი უნდა დასრულდეს და დასრულდება არჩევნების შემდგომ და გაიმარჯვებს საქართველოს მოსახლეობა, მოისვენებთ ამისგან, არაფრის რესურსი არ აქვთ გარწმუნებთ".

შეხვედრები რეგიონულ მედიასთან - ასე ჰქვია ტელეკომპანია GDS-ის საარჩევნო პროექტს, რომელშიც ყოფილი პრემიერმინისტრი, ბიძინა ივანიშვილი მონაწილეობს. გადაცემას 20:30-ის ჟურნალისტები ნათია თოიძე და მიხეილ ფეიქრიშვილი უძღვებიან.