გუშინ, 22 ივნისს ვლადიმერ პუტინმა რუსულ ავიაკომპანიებს საქართველოში ფრენები აუკრძალა. რუსეთის პარლამენტის სენატორი ალექსი პუშკოვი ამასთან დაკავშირებით ტვიტერზე წერს.

"თბილისში უკმაყოფილოები არიან ფრენებთან დაკავშირებით რუსეთის გადაწყვეტილებაზე. თქვენი პრეტენზიები იმ ხალხის წინაშე გამოთქვით, რომლებიც პარლანეტში შეცვივდნენ და განუკითხაობა მოაწყვეს, ასევე თქვენს პრეზიდენტთან, რომელიც მზად არის, რომ რუსეთი სიბინძურეში ამოსვაროს. სხვათა შორის, რა ხდება რუსულ ბაზარზე ქართულ ღვინოებთან დაკავშირებით?" — წერს რუსი პოლიტიკოსი.

შეგახსენებთ, რომ 2019 წლის 8 ივლისიდან რუსულ ავიაკომპანიებს, მათ შორის კომერციულებს, რუსეთის ფედერაციიდან საქართველოს მიმართულებით ფრენა დროებით ეკრძალებათ.