თბილისში, რუსთაველის გამზირზე აქცია გრძელდება. აქცია #სირცხვილიას მონაწილეებმა ხელისუფლებას მოთხოვნების შესასრულებლად ვადა დღის ბოლომდე მისცეს. აქციის ორგანიზატორის, მიშა მშვილდაძის თქმით, ხელისუფლება ყოველ სააათში კარგავს ლეგიტიმაციას, როცა არ იმჩნევს რა ხდება რუსთაველზე.

ფოტო: გვანცა ნემსაძე / On.ge

აქიაზე შეკრებილების მოთხოვნები უცვლელია:

  • გადაგდეს შს მინისტრი გიორგი გახარია;
  • გაათავისუფლონ 20 ივნისის ღამით დაკავებული მოქალაქეები;
  • შეიცვალოს საარჩევნო სისტემა და 2020 წელს პროპორციული სისტემით ჩატარდეს საპარლამენტო არჩევნები.

ფოტო: გვანცა ნემსაძე / On.ge

"დაველოდებით მშვიდად რას იზამენ. პირველად მივცემთ დროს იმისთვის, რომ გამოვიდნენ კონტაქტზე. ამ შემხვედრაზე მოვისმენთ არგუმენტაციას", — განაცხადა მიშა მდვილდაძემ.

კითხვაზე, პოლიტიკოსების აქციაში მონაწილეობაზე მიშა მშვილდაძე პასუხობს, რომ "მათი მოთხოვნები პარტიის ჩარჩოებს სცილდება".

"აქ მოდიან ადამიანები, რომლებსაც არც ერთი პარტია არ მოსწონთ, ზოგიერთი პარტია სძულთ, აქ მოდიან ადამიანები, რომლებიც კონკრეტულ პარტიებს მხარს უჭერენ. ეს ადამიანები დგანან ერთად", — თქვა მან.

აქციას პოლიტიკოსებთან ერთად შეუერთდნენ მუსიკოსები, ხელოვანები.