პირადი ექიმის პირადი სტომატოლოგით ჩანაცვლება — ოპოზიცია სერგეენკოს წასვლას აფასებს
დავით სერგეენკომ, რომელიც ქართული ოცნების ხელისუფლებაში მოსვლის დღიდან ჯანდაცვის მინისტრია, თანამდებობა დატოვა. მის ადგილზე საქართველოს პრემიერ-მინისტრმა, მამუკა ბახტაძემ ეკატერინე ტიკარაძე წარადგინა. ახალი მინისტრის წარდგენას დავით სერგეენკოც ესწრებოდა.
ეკატერინე ტიკარაძე 2015 წლის სექტემბრიდან საჩხერის რაიონული საავადმყოფოს და მმართველი არასამეწარმეო პირის "დოსტაქარის" დირექტორია. 2012 წელს ჯანდაცვის მინისტრის პოსტის დაკავებამდე, დავით სერგეენკოც საჩხერის საავადმყოფოს დირექტორის თანამდებობას იკავებდა.
საპარლამენტო და არასაპარლამენტო ოპოზიციაში ელოდებიან პასუხს კითხვაზე, რატომ გადააყენეს დავით სერგეენკო. მათ არ სჯერათ, რომ "ყველაზე პოპულარულმა მინისტრმა" დანამდებობა თავისი ნებით დატოვა. ოპოზიციის ნაწილი სერგეენკოს თანამდებობიდან წასვლას კორუფციულ გარიგებებში მის სავარაუდო მონაწილეობაზეც მიუთითებს. თუმცა, კონკრეტულ ფაქტებზე ვერ საუბრობს.
ნაციონალური მოძრაობა
ნაციონალური მოძრაობის დეპუტატი თინა ბოკუჩავა აცხადებს, რომ ბიძინა ივანიშვილი სახელმწიფოს, როგორც პირად პროექტს, ისე უყურებს და თანამდებობებზე საკუთარი გარემოცვის წევრებს ნიშნავს.
"ბიძინა ივანიშვილმა საკუთარი ექიმი საკუთარი სტომატოლოგით ჩაანაცვლა. ეს კიდევ ერთხელ მეტყველებს იმაზე, რომ ეს ადამიანი ქვეყანას არ უყურებს, როგორც სახელმწიფოს, არამედ, როგორც თავის პირად პროექტს, სადაც შეუძლია, საკუთარი გარემოცვა დანიშნოს და მოხსნას ისე, რომ არ გაითვალისწინოს ქვეყნის ინტერესები", — განაცხადა თინა ბოკუჩავამ.
მისივე განცხადებით, კონკრეტულად სერგეენკოზე არსებობს ეჭვები თითქოსდა ის კორუფციულ სქემებში იყო ჩართული, რასაც არ გამორიცხავს: "ქართული ოცნების სამარკო ნიშანი არის ნეპოტიზმი, კორუფცია, საკუთარ ჯიბეზე ზრუნვა, ნაცვლად ქვეყნის მოსახლეობაზე ზრუნვისა".
ევროპული საქართველო
ევროპული საქართველოს დეპუტატი გიგი უგულავა კი ფიქრობს, რომ საქართველო ივანიშვილის შპს-ა, სადაც მინისტრებად თავის პირად მომსახურე პერსონალს ნიშნავს და ამით საზოგადოებას შეურაცხყოფას აყენებს.
"ჩვენ კიდევ უფრო ღრმა კრიზისში შევდივართ იმიტომ, რომ ივანიშვილი სულ უფრო და უფრო ავიწროებს წრეს, საიდანაც გამოჰყავს მინისტრები. ეს არის პირადი ექიმები. ახალ მინისტრად კვლავ საჩხერის საავადმყოფოს დირექტორი ინიშნება. სერგეენკოც საჩხერის საავადმყოფოს დირექტორი და ბიძინა ივანიშვილის პირადი ექიმი იყო. ახლა, როგორც ჩანს, პირად სტომატოლოგს დაგვინიშნავენ", — განაცხადა უგულავამ.
შენების მოძრაობა
სერგეენკოს მიერ თანამდებობის დატოვებას არასაპარლამენტო ოპოზიციაშიც აფასებენ. შენების მოძრაობის ლიდერი, დავით უსუფაშვილი ამბობს, რომ ჯანდაცვის მინისტრის წასვლა არც პოლიტიკური გათვლაა და არც სერგეენკოს პერსონალური სურვილი.
"მე ველოდი, რომ არჩევნებამდე ერთი წლით ადრე სერგეენკოს გაარიდებდნენ სახლაფორთო საქმეებს, ანუ მინისტრობას, შეინახავდნენ მის პოზიტიურ იმიჯს, რაც ოცნებას ასე ძალიან უჭირს და გამოიყენებდნენ 2020 წლის არჩევნებისთვის. მე მგონი რაღაც სხვა ხდება. არ მგონია ეს იყოს პოლიტიკური გათვლა ან სერგეენკოს გადაწყვეტილება", — განაცხადა უსუფაშვილმა.
მისივე თქმით, საკადრო პოლიტიკა ივანიშვილის ძლიერი მხარე არ არის: "გამიკვირდება თუ კვალიფიციური და კომპეტენტური მინისტრი შეირჩევა და არ გამიკვირდება, თუ სხვა ნიშან-თვისების მქონე ადამიანი დაინიშნება მინისტრად".
თავისუფალი დემოკრატები
თავისუფალი დემოკრატების წევრი, ალექსანდრე ბარამიძე კი ფიქრობს, რომ ქართული ოცნების მთავარი შეცდომა მინისტრებად ტექნიკური პერსონალის დანიშვნაა.
"მინისტრს უნდა ჰქონდეს პოლიტიკური კაპიტალი, საზოგადოების მხარდაჭერა, რომ გაატაროს სერიოზული და ქმედითი რეფორმები ჯანდაცვის სისტემაში. სტომატოლოგს და ტექნიკოსს არ შეუძლია ამგვარი ცვლილებების გატარება. ის იქნება მორჩილი სხვისი ნების", — ამბობს ბარამიძე.
რესპუბლიკური პარტია
რესპუბლიკური პარტიის წევრი, ხათუნა სამნიძე სხვა პოლიტიკოსების მსგავსად გადაწყვეტილების მიღების პროცესში ივანიშვილის როლზე მიანიშნებს.
"ამ ქვეყანაში პროგრამული და პროფესიული ხარვეზების გამო არ ათავისუფლებენ ადამიანებს და ეს კარგად გამოჩნდა. ბიძინა ივანიშვილი პირადად იღებს ამ გადაწყვეტილებას და მისი გარემოცვიდან იქნება ყველა, ვისაც ივანიშვილი ნდობას გამოუცხადებს, რაც ქვეყნისთვის საშიშია", — თქვა სამნიძემ.
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
კომენტარები