ვერის ბაღში "ნამდვილი კაცების" შეკრებაზე მისული დეპუტატი ემზარ კვიციანი ლგბტ თემის წევრებს ემუქრება. ამავდროულად, ის ამბობს, რომ ძალადობას ემიჯნება, მაგრამ სამშობლოს დაცვისას "ყველაფერი ხდება".

"ყველაფერი დაშვებული არის, როცა შენს სამშობლოს იცავ, მენტალიტეტს იცავს", — განუცხადა მან ტაბულას.

მისი თქმით, საქართველოში პრაიდის ჩატარებით უცხო ქვეყნის სპეცსამსახურები და საელჩოები არიან დაინტერესებული.

"ჭკვიანად იყვნენ ის ადამიანები, ვისაც კვერცხები მოხვდათ თავში და ხმალი არ მოხვდათ კისერში. ვამართლებ რომ ხმალი არ მოიქნიეს და არა კვერცხი", — დაიმუქრა ის.

ლევან ვასაძემ შეკრების დაგეგმვისას ლგბტ თემის და ხელისუფლების მიმართ მორიგი მუქარა გაავრცელა. მან თქვა, რომ ლგბტ თემის არანაირ აქტივობას არ დაუშვებენ, ნებისმიერ კორდონს გაარღვევენ და "წალეკავენ" ყველას. დეპუტატი ამბობს, რომ ამ შეხვედრის შინაარსს იზიარებს.

ადევნეთ თვალი პირდაპირ ეთერს ვერის ბაღიდან.