პატრიოტთა ალიანსის დეპუტატი ემზარ კვიციანი ლევან ვასაძის დაგეგმილ "ნამდვილი კაცების" შეკრებაზე მივიდა. ის ჰომოფობიურ განცხადებებს ავრცელებს და იმუქრება.

"ჭკვიანად იყვნენ ის ადამიანები, ვისაც კვერცხები მოხვდათ თავში და ხმალი არ მოხვდათ კისერში. ვამართლებ რომ ხმალი არ მოიქნიეს და არა კვერცხი", — განაცხადა მან.

მისი მტკიცებით, თბილისი პრაიდის იდეა "გარე ძალებისგან არის მოხვეული''.

"პრაიდი ჩატარდესო ელჩები იძახიან, რატომ უნდა იყოს ჩემს ქვეყანაში მბრძანებელი ელჩი? თუ ვართ დამოუკიდებელი ქვეყანა ვიყოთ, თუ არა და გამოგვაცხადონ კოლონიად", — ამბობს ის.

ლევან ვასაძემ შეკრების დაგეგმვისას ლგბტ თემისა და ხელისუფლების მიმართ მორიგი მუქარა გაავრცელა. მან თქვა, რომ ლგბტ თემის არანაირ აქტივობას არ დაუშვებენ, ნებისმიერ კორდონს გაარღვევენ და "წალეკავენ" ყველას. დეპუტატი ამბობს, რომ ამ შეხვედრის შინაარსს იზიარებს.

ადევნეთ თვალი პირდაპირ ეთერს ვერის ბაღიდან.