მართლმადიდებელ მშობელთა კავშირის წევრი, ჰომოფობიური განცხადებებით ცნობილი გურამ ფალავანდიშვილი ამბობს, რომ ლგბტ აქტივისტების მიზანია მათი გაუპატიურება, სულიერად და ფიზიკურად. ის შეურაცხმყოფელი ტერმინოლოგიით მოიხსენიებს ლგბტ პირებს და ამბობს, რომ შექმნიან სახალხო მოძრაობას, რომელიც "თვითდადგენილი" კანონით იმოქმედებს, დაიცავს წესრიგს და "ალაგმავს" ნებისმიერ ლგბტ ღონისძიებას.

ფალავანდიშვილი დღეს გამართული კონტრაქციის ერთ-ერთი მონაწილეა. კონტრაქცია მას შემდეგ დაიგეგმა, რაც ლგბტ აქტივისტებმა და თბილისი პრაიდის ორგანიზატორებმა კანცელარიასთან აქციაა დაანონსეს.

კონტრაქციის მონაწილეები სიტყვიერ შეურაცხყოფას აყენებდნენ აქტივისტებს. ესროდნენ მათ კვერცხებს, ბოთლებსა და ბურთებს. ასევე, ემუქრებოდნენ და შეურაცხყოფას აყენებდნენ ჟურნალისტებს.

აქცია და კონტრაქცია კანცელარიასთან ამ დრომდე მიმდინარეობს. აქტივისტები აცხადებენ, რომ მთავრობის პასუხამდე არ დაიშლებიან. ხოლო კონტრაქციის წევრები ამბობებ, რომ იმ დრომდე იდგებიან, სანამ ლგბტ აქტივისტები არ დაიშლებიან.

ამავე თემაზე: