Kyiv და არა Kiev — აშშ-ში უკრაინის დედაქალაქის კიევის სახელის დაწერილობა შეიცვლება. გადაწყვეტილება ამის შესახებ გეოგრაფიული დასახელებების აშშ-ს საბჭომ მიიღო. სახელის შეცვლის მოთხოვნით საბჭოს უკრაინის ელჩმა მიმართა. ცვლილებa ძალაში 17 ივნისიდან შევა.

2018 წელს უკრაინის საგარეო საქმეთა სამინისტრომ ინგლისურად კიევის სწორად დაწერისთის სპეციალური კამპანია #KyivNotKiev წამოიწყო. როგორც კამპანიის ორგანიზატორები ამბობენ, Kiev რუსული ენის ჟღერადობისთვის არის დამახასიათებელი, ხოლო ქალაქის სწორად გადმოცემისთვის, ისე როგორც ის უკრაინულად ჟღერს, Kyiv უნდა დაიწეროს.

"ეს გადაწყვეტილება განსაკუთრებული მნიშვნელობისაა და ბიძგს აძლევს, რათა უკრაინის დედაქალაქის ოფიციალური სახელწოდება აშშ-ს ფარგლებს გარეთაც გასწორდეს, მათ შორის საერთაშორისო რეისებსა და უცხოურ აეროპორტებში", — განაცხადა აშშ-ში უკრაინის საელჩომ.