ვიდეო სტრიმინგის ერთ-ერთ გიგანტად გახდომის შემდეგ, კომპანია Netflix-ში გადაწყვიტეს, თავი ვიდეოთამაშების სფეროშიც გამოსცადონ. 12 ივნისს გამართულ E3-ზე ნეტფლიქსმა დააანონსა, რომ მათ მიერ დამზადებული ყველაზე პოპულარული შოუების მიხედვით ვიდეოთამაშების შექმნის დაწყებას აპირებენ და პირველი მცდელობა, სწორედ ეს 80-იანების სტილში გადაწყვეტილი, ნახევრად საშინელებათა ჟანრის სერიალი იქნება.

Stranger Things 3: The Game 2019 წლის 4 ივლისს გამოვა და ტელეშოუს ახალი სეზონის დაწყებას დაემთხვევა. თამაში მორგებული იქნება Nintendo Switch-ზე PS4-ზე და Xbox One-ზე.

ასევე, მომავალ წელს ამავე ტელესერიალის მიხედვით, სმარტფონებზე ორიენტირებული, რეალურ ლოკაციებზე დაფუძნებული როლური თამაში (RPG) გამოვა.