ლეგენდარული ბრიტანული ჯგუფის, Radiohead-ის კარიერის ერთ-ერთი განმსაზღვრელი ალბომის, Ok Computer-ის სესიების 18 საათიანი მასალა ინტერნეტში არალეგალურად გამოქვეყნდა. რასაც ბენდის მხრიდან სიტუაციის კონტროლის დასაბრუნებლად გადადგმული ნაბიჯი მოყვა. მომხდარის შემდეგ, ბენდმა აღნიშნული მასალები თავიანთ ოფიციალურ ინტერნეტარხებზე თავად გამოაქვეყნა.

ჩანაწერების სრული ვერსიის ყიდვა Bandcamp-ზე 18 ფუნტ სტერლინგად არის შესაძლებელი და ის 18 დღის განმავლობაში იქნება ხელმისაწვდომი.

ვნახოთ, რას წერს Radiohead-ის გიტარისტი, ჯონი გრინვუდი:

ჩვენ წინა კვირაში გაგვქურდეს. ვიღაცამ ტომ იორკის მინიდისკი დაჰაკა, რომელზეც შენახული იყო Ok Computer-ის დროინდელი საარქივო მასალები და ამაში, როგორც ვიცით, 150 000 დოლარს ითხოვდა. წინააღმდეგ შემთხვევაში კი - გამოქვეყნებით იმუქრებოდა. იმის მაგივრად, რომ ჩვენ ამ ფაქტისთვის წაგვეყრუებინა ან დაგვეიგნორებინა, გადავწყვიტეთ მთელი 18 საათიანი მასალა ბენდქემფზე განვათავსოთ, შემოსული ფული კი მოძრაობა "Extinction Rebellion-ს" გადავცეთ. ასე რომ, 18 დღის განმავლობაში, 18 ფუნტად თქვენ შეგიძლიათ გაიგოთ, უნდა გადაგვეხადა თუ არა ქურდების მხრიდან მოთხოვნილი თანხა.

Ok Computer-ს კრიტიკოსები დღემდე ყველა დროის ერთ-ერთ უდიდეს ალბომად თვლიან.

Extinction Rebellion, რომლის შესახებაც გრინვუდი წერილში საუბრობს, მშვიდობიანი სამოქალაქო მოძრაობაა, რომელიც კლიმატის ცვლილების საკითხებით არის დაინტერესებული.