საბჭოთა სოციალისტური რესპუბლიკების კავშირის პირველი და ერთადერთი პრეზიდენტი, მიხეილ გორბაჩოვი საავადმყოფოშია. ინფორმაციას ამის შესახებ გამოცემა Ria ავრცელებს. როგორც მან გამოცემა უთხრა, წიგნზე მუშაობას აგრძელებს.

"უკვე დიდი ხანია საავადმყოფოში ვარ. მეგობრების დახმარებითა და მონაწილეობით მცირე შესაძლებლობისთანავე ვმუშაობ", — აღნიშნა გორბაჩოვმა.

მიხეილ გორბაჩოვი ახლა 88 წლისაა. ის სსრკ-ს უმაღლესი საბჭოს პრეზიდიუმის ბოლო თავმჯდომარე იყო. მისი მმართველობის დროს მოხდა 1989 წლის 9 აპრილის ტრაგედია. ასევე, გორბაჩოვის მმართველობის პერიოდს უკავშირდება ჩერნობილის ატომური კატასტროფა და საბჭოთა სისტემის რეფორმირება, რომელიც "პერესტროიკას" სახელით არის ცნობილი. გარდა ამისა, მის პერიოდში ითქვა უარი კომუნისტურ იდეოლოგიაზე, როგორც სახელმწიფოს ერთადერთ იდეოლოგიაზე. მისი ლიდერობის დროს დასრულდა ცივი ომი, დაინგრა ბერლინის კედელი და დაიშალა საბჭოთა კავშირი.