"ეტყობა, კლიჩკომაც არ იცის კარგად, რომ რამდენიმე მძიმე მუხლით არის გასამართლებული", — ამის შესახებ ქართული ოცნების წევრმა, გია ვოლსკიმ მიხეილ სააკაშვილის მიმართ კიევის მერის, ვიტალი კლიჩკოს შეთავაზებაზე განაცხადა.

"ამასთან დაკავშირებით, რასაკვირველია, საქართველოს თავის პოზიცია გააჩნია. მაგრამ, მე ვფიქრობ, რომ მცდელობა იმისა, რომ ყველაფერი სააკაშვილის გარშემო ტრიალებს და ეს არის თემა მთავარი დღეს, მით უმეტეს საქართველო-უკრაინის ურთიერთობაში, არის მცდარი", — აღნიშნა პარლამენტის დეპუტატმა.

კიევის მერი, ვიტალი კლიჩკო კიევში რამდენიმე დღის წინ დაბრუნებულ მიხეილ სააკაშვილს თავისი პარტიის, უდარის თავმჯდომარეობას სთავაზობს. თავის ფეისბუქმიმართვაში კლიჩკო ამბობს, რომ პოლიტიკურმა ძალებმა ხელი შეუშალეს მიხეილ სააკაშვილს არჩევნებში მონაწილეობისთვის, რის გამოც ის მზადაა მას დაეხმაროს. კლიჩკოს შემოთავაზებას უკვე გამოეხმაურა მიხეილ სააკაშვილი და გადაწყვეტილების მიღებაში დახმარებას თავის მხარდამჭერებს სთხოვს.