რაგბის ნებისმიერი ქართველი გულშემატკივრისთვის ბორჯღალოსნების თამაშის ყურება ერთი სიამოვნებაა, მითუმეტეს, როცა ეროვნული ნაკრები მსოფლიო ჩემპიონატზე ასპარეზობს. ამ დროს ყველას სურს, რომ თამაშს ტელეეკრანების ნაცვლად, ტრიბუნებიდან უყურებდეს, მაგრამ იაპონია შორსაა და ყველა ვერ ახერხებს გამგზავრებას.

თუ თქვენ რაგბის გულშემატკივარი ხართ და ერთი სული გაქვთ, როდის დაიწყება მსოფლიო ჩემპიონატი, თიბისი და მასტერქარდი შანსს გაძლევთ თამაშების საყურებლად იაპონიაში გაემგზავროთ და პირდაპირ ტრიბუნებიდან დატკბეთ სანახაობით.

როგორ?

გეტყვით, რა უნდა გააკეთოთ. სინამდვილეში, ყველაფერი ძალიან მარტივია.

რაგბის გულშემატკივარი თუ ხართ, გეცოდინებათ, რომ 31 აგვისტოს საქართველოს ნაკრები შოტლანდიის ნაკრებს დაუპირისპირდება, თამაში კი თბილისში ჩატარდება. აპირებთ ამ თამაშზე წასვლას? — მაშინ, თქვენ უკვე გაქვთ საგზურის მოგების შანსი.

თუ თქვენ თიბისის ნებისმიერი მასტერქარდის ბარათით უკვე შეიძინეთ ან მომავალში შეიძენთ ბილეთს tkt.ge-ზე 31 აგვისტოს დაგეგმილ მატჩზე დასასწრებად, მაშინ ავტომატურად მონაწილეობთ გათამაშებაში და შანსი გაქვთ რაგბის მსოფლიო ჩემპიონატის ნახევარფინალს ან ფინალს დაესწროთ.

ფოტო 2: თიბისი

გარდა ამისა, თიბისის ფილიალებში შეგიძლიათ აიღოთ სპეციალურად რაგბის მსოფლიო ჩემპიონატის თემატიკაზე შექმნილი დიზაინის მასტერქარდის ბარათები. ამ ბარათებს თუ აიღებთ, კიდევ ერთ აქციაში მიიღებთ მონაწილეობას, რაც იმას ნიშნავს, რომ ყოველ მეოცე ტრანზაქციაზე მაისურით დასაჩუქრდებით, ორმოცდამეათეზე კი რაგბის ბურთით.

ბარათების დიზაინის არჩევანი საკმაოდ მრავალფეროვანია და მათში ბორჯღალოსნებისა და იაპონური კულტურის თემატიკაა გამოყენებული.

აქცია 30 აგვისტოს, საღამოს 20:00 სთ-ზე სრულდება, ხოლო გამარჯვებულები, ვინც რაგბის მსოფლიო ჩემპიონატის საგზურს მოიგებენ, 31 აგვისტოს შოტლანდია-საქართველოს შეხვედრის დროს გამოვლინდებიან. სულ იაპონიაში 7 გამარჯვებული გაემგზავრება და ერთ-ერთი შესაძლოა სწორედ თქვენ იყოთ.

რაგბის მსოფლიო ჩემპიონატი წელს იაპონიაში 20 სექტემბრიდან 2 ნოემბრამდე გაიმართება. ჩემპიონატში მონაწილეობას მსოფლიოს უძლიერესი 20 გუნდი იღებს, მათ შორის საქართველოს ნაკრები, რომელიც ჩემპიონატში მეხუთედ მონაწილეობს.