ბავშვთა დაცვის დღისთვის 62-ე სკოლის მე-8 კლასელმა მოსწავლეებმა მზრუნველობამოკლებულ ბავშვებს საჩუქრები მიუტანეს. ინფორმაცია ამის შესახებ რუსთავი 2-მა გაავრცელა.

მოსწავლეებმა წინასწარ ნატვრის ხე გააკეთეს, რომელზეც ბავშვებმა სურვილები დაამაგრეს. კოსმეტიკის, ველოსიპედის, სათამაშოების, ოქროს საყურეების და სხვა სურვილების ასასრულებლად საჩუქრები მოსწავლეებმა სკოლაში შეაგროვეს.

"ვფიქრობ ძალიან საყვარელი რაღაცეები ჩაიფიქრეს. მაგალითად, 4 დაქალი იყო და ჩაიფიქრეს ოქროს საყურეები. ასევე, საკრასკავები, მაკიაჟი, სანდლები და სხვა რაღაცეები. ჩემია აზრით, ძალიან გაუხარდებათ და რა თქმა უნდა, ჩვენც ძალიან გახარებულები ვართ. ეს არის სიყვარულის ერთ-ერთი გამოვლინება", — განაცხადა რუსთავი 2-თან საუბრისას ერთ-ერთმა მოსწავლემ.

სკოლის დირექტორმა განაცხადა, რომ პროცესში მთელი სკოლა იყო ჩართული. მისი თქმით, ეამაყება, რომ, აკადემიურ ცოდნასთან ერთად ბავშვები სწავლობენ სასიცოცხლო მნიშვნელობის ღირებულებებს.

ამავე თემაზე: