მოქალაქის მიერ ორგანიზებულ ეკონომიკურ ფორუმზე ბიძინა ივანიშვილმა ბიზნესმენებს მიმართა, რომ გაანალიზონ, სად იქნებოდნენ დღეს, ისევ ნაციონალური მოძრაობა რომ მართავდეს ქვეყანას:

"იმ მოდელით მართული ეკონომიკა დღეს რომ ხელფასებს ვერ გასცემდა საჯარო მოხელეებზე და პენსიებსაც ვერ დაარიგებდა, ეს რთული გასაგებია თქვენთვის - ბიზნესმენებისთვის, რთული საანალიზოა? რომ იმ მეთოდით მართულ ეკონომიკას რანაირი შედეგი შეიძლებოდა ჰქონოდა დღეს. რაც ახლა გვაქვს ეკონომიკური შედეგები, ამის მსგავსი ვერ მოხდებოდა, თქვენთვის რთული გასაგებია? ამის შესატყვისად, იმიტომაც მაქვს კითხვა და პირველად გისვამთ: თქვენ აკეთებთ განმარტებებს მაინც, საკუთარ გუნდთან, საკუთარ თანამშრომლებთან მაინც? თუ გაქვთ ის განცდა, რომ ეს არის გაცილებით უკეთესი მასზე, რაც იყო? და თუ ეს განცდა გაქვთ, შეკითხვას ვიმეორებ, აკეთებთ შესატყვის განმარტებებს, თითოეულმა თქვენს თავში ჩაიხედეთ".

ეკონომიკურ ფორუმს ეკონომისტები, ბიზნესმენები და რამდენიმე პოლიტიკური პარტიის წარმომადგენელი ესწრება.