პრემიერ-მინისტრმა მამუკა ბახტაძემ განაცხადა, რომ 2020 წლის არჩევნებში ქართული ოცნების თავმჯდომარის, ბიძინა ივანიშვილის როლი ძალიან დიდი იქნება. ამის შესახებ საქართველოს ბახტაძემ გადაცემა რეაქციაში ისაუბრა.

"ბიძინა ივანიშვილი არის მმართველი პოლიტიკური ძალის დამფუძნებელი და მისი თავმჯდომარე. ჩვენ ვაშენებთ საპარლამენტო დემოკრატიას და ბუნებრივია, ნებისმიერი პარტიის თავმჯდომარის როლი, მითუმეტეს, დამფუძნებლის და მითუმეტეს ბიძინა ივანიშვილის, იქნება ძალიან დიდი", — ასე განმარტა ბახტაძემ ივანიშვილის ჩართულობის საკითხი.

მანვე აღნიშნა, რომ საპრეზიდენტო არჩევნების პირველი ტური იყო კონკრეტული გზავნილი მმართველი გუნდის მხარდამჭერების მხრიდან, რომ ბევრი რამ იყო შესაცვლელი. მთავრობის მეთაურის თქმით, ეს გზავნილი მიღებულია, გააზრებულია და ამ ფაქტორმა იმოქმედა სამთავრობო პროგრამის მნიშვნელოვანწილად დაკორექტირებაზე.