მაყურებელს 25 წელზე მეტხანს მოუწია ლოდინი იმისთვის, რომ ლინდა ჰემილტონი ტერმინატორის ახალ ფილმში კვლავ ეხილა.

აი ისიც, სარა კონორი დაბრუნდა და არნოლდ შვარცენეგერის ტერმინატორთან ერთად, კიდევ ერთხელ შეეცდება ცუდი ბიჭების განადგურებას.

Paramount-მა ახალი ფილმის პირველი ტრეილერი დღეს გამოაქვეყნა და მხოლოდ იმის თქმა შეგვიძლია, რომ 61 წლის ლინდა სარა კონორის როლში კვლავ შთამბეჭდავია.

ტერმინატორის რიგით მეექვსე ფილმის რეჟისორი ტიმ მიულერია, სცენარი კი ჯეიმს კამერონს ეკუთვნის. Terminator: Dark Fate დიდ ეკრანებზე პირველ ნოემბერს გამოვა.

ფოტო: PARAMOUNT PICTURES