გარიგებულ მატჩებზე დაკავებული ვიტ ჯორჯიას ფეხბურთელის, ჯონი შეროზიას ადვოკატი, მარიამ კუბლაშვილი ამბობს, რომ ბრალდებულებმა ეს ქმედება სხვისი სიცოცხლის გადასარჩენად.

"მათ ეს სავარაუდო ქმედება განახორციელეს სხვისი სიცოცხლის გადასარჩენად. აქ ფიგურირებს რამდენიმე ადამიანი, რომლებმაც პროვოკაციულად, წინასწარი დაგეგმილი გეგმით ფეხბურთელებს მიაწოდეს ინფორმაცია, რომ მას მდგომარეობა ჰქონდა ძალიან მძიმე და სიცოცხლე დაესრულებინა თვითმკვლელობით და სჭირდებოდა დახმარება [სტილი დაცულია]", — ამის შესახებ კუბლაშვილმა ჟურნალისტებს განუცხადა.

გარდა ამისა, კუბლაშვილი ამბობს, რომ მისი დაცვის ქვეშ მყოფი თანხის გადაცემის ნაწილში არ ფიგურირებს და მას თანხა არ მიუღია.

სახელმწიფო უსაფრთხოების სამსახურმა საგამოძიებო სპორტული შეჯიბრების მონაწილეთა მოსყიდვისა და მეორე და უმაღლეს ლიგაში მოასპარეზე ფეხბურთელების მიერ მატჩების ჩაწყობის საქმეზე 8 მოქმედი და 3 ყოფილი ფეხბურთელი დააკავა. უწყების ინფორმაციით, დაკავეულთა შორის არიან საფეხბურთო კლუბ ჭიათირას, ლანჩხუთის გურიისა და ვიტ ჯორჯიას ფეხბურთელები.