როგორც მეგავარსკვლავი სელინ დიონი ამბობს, ის წელიწადში მხოლოდ ერთ დღეს ისვენებს და სწორედ ამ დღეს დაურეკა მას ლას-ვეგასში დაკარგულმა ჯეიმს კორდენმა და Carpool Karaoke-ში მიიპატიჟა.

დიონის სტუმრობა შოუს ისტორიაში ერთ-ერთი ყველაზე საინტერესო იყო. მუსიკოსი კორდენის ყველა შეკითხვას თავისი სიმღერების ტექსტებით პასუხობდა, რაც ნიჭიერი და მხიარული წამყვანისთვის სულაც არ იყო დამაბნეველი.

ამის გარდა, დიონმა რიანას Work და Baby Shark-იც კი წაიღიღინა და ლას-ვეგასის ქუჩებში მანქანით სეირნობისას, თავისი მაღალქუსლიანი ფეხსაცმელები გამვლელებს დაურიგა.

თუმცა, 14-წუთიანი შოუს პირველი ყველაზე ამაღელვებელი მომენტი მაშინ დადგა, როცა დიონმა და კორდენმა It's All Coming Back to Me Now-ს შესრულებისას ერთმანეთს ტუჩებში აკოცეს. ყველაფერი სპონტანურად მოხდა, მაშინ, როცა ტექსტის ნაწილში კორდენი ღიღინებდა "If you kiss me like this" [თუ ასე მაკოცებ].

მთავარი სიურპრიზი კი წინ გელით, რისთვისაც ვიდეოს აუცილებლად ბოლომდე უნდა უყუროთ.

ასევე იხილეთ ბონუს კლიპი, სადაც სელინ დიონის რეაქციას ნახავთ, როცა მანქანაში All By Myself ჩაირთვება.