სოულის დედოფლის გარდაცვალებიდან ცოტა ხანში, ცნობილი გახდა, რომ არეტა ფრანკლინს ანდერძი არ ჰქონდა დაწერილი.

თუმცა, მაისში, მის სახლში ფრანკლინის დისშვილმა სამი დოკუმენტი იპოვა.

მათ შორის, ორი ანდერძი ფრანკლინის ხელითაა დაწერილი 2010 წელს და ისინი ჩაკეტილ კაბინეტში ინახებოდა. რაც შეეხება მესამე დოკუმენტს, ის 2014 წლით თარიღდება. წერილი ფრანკლინის რვეულში იპოვეს, რომელიც ტახტის ბალიშებს შორის იყო დამალული.

სამივე ანდერძის ნამდვილობის დასადგენად მოსმენა 12 ივნისს გაიმართება. თუ მათი ავთენტურობა დამტკიცდება, ფრანკლინის ქონება მის ვაჟიშვილზე გადავა.

არეტა ფრანკლინი 2018 წლის 16 აგვისტოს, 76 წლის ასაკში გარდაიცვალა. ლეგენდარულ მომღერალს სიმსივნის დიაგნოზი 2010 წელს დაუსვეს. მან აუდიტორიის წინაშე ბოლოს 2017 წლის ნოემბერში, ნიუ-იორკში, ელტონ ჯონის შიდსთან ბრძოლის ფონდის მიერ გამართულ კონცერტზე იმღერა.

არეტა ფრანკლინს სოულის დედოფალს უწოდებდნენ. ის იყო პირველი ქალი იყო, რომელიც როკ-ენ-როლის დიდების დარბაზში შევიდა.