ჯერ კიდევ ორი წლის წინ ამერიკელი ახალგაზრდა, მაიკლ უოტსონი 151 კილოგრამს იწონიდა, რაც მისთვის სერიოზული დისკომფორტის მიზეზი იყო.

ბიჭი დღეს უკვე 18 წლის არის და წარსულის გახსენებისას ამბობს, რომ ჭარბი წონის გამო თავდაჯერებულობა და საკუთარი თავის რწმენა ყოველთვის აკლდა და სწორედ ამ მძიმე პერიოდში მიიღო ცხოვრების ერთ-ერთი ყველაზე მნიშვნელოვანი გადაწყვეტილება.

დიახ, მაიკლმა გადაწყვიტა, რომ მცირე დიეტასთან ერთად, ყველანაირ სატრანსპორტო საშუალებაზე უარი ეთქვა და სკოლაში ყოველდღიურად ფეხით ევლო — ფეხით სახლიდან სკოლამდე და პირიქით, თითოეულ გზას 20 წუთი სჭირდებოდა.

ბიჭი ძალიან მიზანდასახული აღმოჩნდა და თავის მტკიცე გადაწყვეტილებაზე წვიმასა და თოვლშიც კი არ ამბობდა უარს.

ორი წლის მანძლზე მაიკლმა მოახერხა და სკოლაში ფეხით სიარულით არც მეტი, არც ნაკლები 52 კილო დაიკლო.

აი, მაიკლ უოტსონის "მანამდე და შემდეგ" ფოტო:

ფოტო: MSN

"მაიკლის შემთხვევა განსაკუთრებულია, რადგან ის ძალიან გაბედული ბიჭია. შთაბეჭდილება, რომელიც ამ ბიჭმა თავისი მიზანდასახულობით ჩემზე მოახდინა, ყოველთვის მემახსოვრება", — ამბობს ოჯახის კონსულტანტი ტერენს ჯონსი.

და ბოლოს, მაიკლი ფიქრობს, რომ სასურველი შედეგის მიღწევა თითოეულ ადამიანს შეუძლია, მთავარია მოინდომონ და არასდროს დანებდნენ.