როგორც ახალი ტრეილერიდან ვიგებთ, Westworld-ის მესამე სეზონი, რომელიც ეკრანებზე 2020 წელს გამოვა, წინა ორისგან რადიკალურად განსხვავდება. მასში ვერ ვხედავთ რობოტებით დასახლებულ ფანტასტიკური ჟანრის ადგილს, რადგან მოქმედებამ ადამიანებით სავსე ფუტურისტულ სამყაროში გადაინაცვლა.

თუმცა, ტრეილერის ბოლოს ვხედავთ ნაცნობ სახეს — ივან რეიჩელ ვუდს, რომელიც შესაძლოა რობოტი აღარ იყოს.

"იმისთვის, რომ ცხოვრების გაგრძელება შევძლო, რაღაც, ან ვიღაც რეალური უნდა ვიპოვო", — ამბობს პოლის გმირი.

ტრეილერს საუნდტრეკად პინკ ფლოიდის 1973 წლის ჰიტი, Brain Damage გასდევს, ხოლო მის ფონზე აარონ პოლის შეშფოთებული სახე მაყურებელს არეულობის განცდას უტოვებს.

თუმცა, ვაღიაროთ, რომ ამ განცდის გარეშე, სამეცნიერო ფანტასტიკის ჟანრის სერიალი "ნამდვილის" შეგრძნებას დაკარგავდა.

ფოტო: HBO

ტრეილერში ვერ ვხედავთ ვინსენტ კასელს. ფრანგი მსახიობი Westworld-ის მესამე სეზონში სიახლეა და ის უარყოფით პერსონაჟს ანსახიერებს. კასელი ახალი სეზონის სერიებში რეგულარულად გამოჩნდება.

რაც შეეხება აარონ პოლს, ის თავის პერსონაჟს ოთხი სიტყვით ახასიათებს:

"ემოციური, საშიში, მღელვარე და პრინციპული".

ამავე თემაზე: