პოპულარული ელექტრონული მუსიკის საკულტო შემსრულებელმა, მობიმ რიგით მეორე ავტობიოგრაფიული წიგნი გამოსცა.

მემუარი სახელწოდებით და ყველაფერი ჩამოიშალა პოპულარობის ბნელ მხარეებზე და მის თანმდევ შფოთზე გვესაუბრება.

1999 წლის ზაფხულში, მუსიკოსმა გამოსცა ალბომი სახელწოდებით Play, რომელმაც ის სუპერვარსკვლავად აქცია.

"ერთ მშვენიერ დღეს, ის უცებ აღმოჩნდა დევიდ ბოუის, ლუ რიდის და მადონას წრეში. საუზმედ ექსტაზის მოიხმარდა, სვამდა ლიტრობით ალკოჰოლს და რომანებს სუპერმოდელებთან აჩაღებდა. ეს იყო ცხოვრების სტილი, რომელმაც დიდხანს ვერ გასტანა და შემდეგ ყველაფერი ჩამოიშალა", — ნათქვამია წიგნის პრესრელიზში.

მემუარი 7 მაისს გამოვიდა და მუსიკოსის თქმით, გაყიდვებით შემოსული თანხა ცხოველთა უფლებების მხარდასაჭერ აქტივიზმს მოხმარდება.