პარლამენტის ვიცე-სპიკერი, თამარ ჩუგოშვილი უარს ამბობს, შეაფასოს თანაგუნდელის, ირაკლი ღარიბაშვილის სექსისტური განცხადება და On.ge-სთვის კომენტარის მიცემაზე უარი თქვა. ღარიბაშვილმა წინასწარი შედეგების გაგების შემდეგ ზუგდიდის მერობის ქალ კანდიდატს, სანდრა რულოვსს ურჩია "დაისვენოს, ქმარს მიხედოს" და ისინი "მიხედავენ ქვეყანას".

შეფასებებისგან თავი არ შეუკავებია ჩუგოშვილს მაშინ, როცა On.ge-მ ზუგდიდის საკრებულოს თავმჯდომარის მოადგილის, თაზო ფაცაციას სექსისტური ფეისბუქპოსტის შეფასება სთხოვა. მაშინ ის ფაცაციას ამ ნათქვამს ემიჯნებოდა.

"ყოვლად მიუღებელია ჩემთვის ასეთი კომენტარი... არ შეიძლება პოლიტიკური პროცესი ასეთ ბინძურ კომენტარებში გადავიდეს, მით უმეტეს რომ ქალები ხდებიან ასეთი კომენტარების ობიექტები. მეც გამომიცდია და ყოვლად მიუღებელია ჩემთვის", — ამბობდა ჩუგოშვილი ფაციაციას პოსტის შეფასებისას.