ზუგდიდში 21-ე საარჩევნო უბანთან დაპირისპირება მოხდა. ვითარება მას შემდეგ გამწვავდა, რაც გაერთიანებული ოპოზიციის წარმომადგენლებმა უბანზე ქართული ოცნების კოორდინატორები აღმოაჩინეს, რომლებსაც ამომრჩევლების სამაგიდო სიები ჰქონდათ.

გაერთიანებული ოპოზიციის წევრებმა პოლიცია გამოიძახეს და მას სიების ამოღება სთხოვეს, რასაც ქართული ოცნების კოორდინატორის მხრიდან გაღიზიანება მოჰყვა. მან ნაციონალური მოძრაობის პოლიტსაბჭოს წევრსა და ზუგდიდის საკრებულოს დეპუტატს ანი წითლიძეს ფიზიკური შეურაცხყოფა მიაყენეს.

ანი წითლიძე მმართველი პარტიის კოორდინატორის დაკავებას ითხოვს.

ინფორმაციას ამის შესახებ რუსთავი 2 ავრცელებს.

On.ge-ს შსს-ში განუცხადეს, რომ აღნიშნულ ამბავს იკვლევენ.

სტატია დამატებითი ინფორმაციის მიღების თანავე განახლდება.