ზუგდიდის საკრებულოს თავმჯდომარის მოადგილის, თაზო ფაცაციას პოსტი, სადაც ის ნაციონლური მოძრაობის წევრს, თინა ბოკუჩავას სექსისტურ და შეურაცხმყოფელ კონტექსტში მოიხსენიებდა აღარ იძებნება. როგორც მან On.ge-სთან საუბრისას განაცხადა, პოსტი მას თვითონ არ წაუშლია და არც მისი წაშლა მოუთხოვია ვინმეს.

ფოტო: Tazo Patsatsia / Facebook

ფაცაციამ On.ge-სთან დაადასტურა, რომ პოსტი მისი დაწერილია. ის ამბობს, რომ მისი ნათქვამი სექსისტური და შეურაცხმყოფელი არ არის.

მას სექსი და სექსიზმი ერთი და იგივე რამ ჰგონია: "სექსი ნახსენებია? ბილწსიტყვაობა ნახსენებია?.. რაც შეეხება სექსისტურ გამონათქვამს, მე ეგეთი რაღაცები არ მახასიათებს. კარგ ოჯახში ვარ გაზრდილი და ვიცი, ადამიანებთან როგორ ვიურთიერთო, სიტყვის ფასი ვიცი, როგორ ვთქვა. რამე ფონეტიკური შეცდომა თუ ვინმეს არ მოეწონა, ბოდიშის მოხდას არ ვაპირებ", — ამბობს ფაცაცია.

კითხვაზე, ინფორმირებულია თუ არა თინა ბოკუჩავას განათლებაზე, საკრებულოს თავმჯდომარის მოადგილე პარლამენტის წევრისგან დიპლომის ელექტრონულად გაგზავნას ითხოვს.

კითხვაზე, როგორი რეაქცია ექნება, თუ ვინმე მსგავს პოსტს მისი ოჯახის წევრზე დაწერს, ფაცაცია ასე პასუხობს:

"ჩემი ოჯახის წევრები არ მიაყენებ სხვას ასეთ შეურაცხყოფას [როგორც ბოკუჩავამ ჩვენ მოგვაყენა] და თუ მიაყენებენ, ჩემს ოჯახის წევრზეც დაწერონ".