შრომის ინსპექტირების დეპარტამენტის წარმომადგენელის, მაია მიქაიას განცხადებით, მშენებლობაზე, სადაც მუშა დაიღუპა, ხარაჩოების მოწყობის წესი იყო დარღვეული. ამის შესახებ მან ჟურნალისტებს განუცხადა.

მისივე თქმით, დარღვეულია ტექნიკური რეგლამენტი 477-ე, რომელიც ხარაჩოების მოწყობის წესს ითვალისწინებს.

"დასაქმებულთა აღჭურვასთან დაკავშირებით ჩვენ ველოდებით შესაბამის დოკუმენტაციას კომპანიისგან. მიღებული დოკუმენტების შესწავლისა და სხვა დასაქმებულების გამოკითხვის შემდგომ შესაძლებელი იქნება დასკვნის დადება, თუ რა კონკრეტულმა შემთხვევამ გამოიწვია ეს უბედური შემთხვევა", — თქვა მიქაიამ.

შემთხვევა დღეს, 14 მაისს, კოსტავას ქუჩაზე მოხდა. მუშა მრავალსართულიანი კორპუსიდან გადმოვარდა და ადგილზე გარდაიცვალა.