თბილისის საქალაქო სასამართლოს ყოფილი თავმჯდომარე მამუკა ახვლედიანი სასამართლოში მისი სარჩელის განხილვის პროცესს არ დაესწრო და სასამართლოში არსებულ სიტუაციაზე ჟურნალისტებთან კომენტარი გააკეთა.

მამუკა ახვლედიანის თანამდებობიდან გათავისუფლებაზე მოსამართლემ მსჯელობა მას შემდეგ დაიწყო, რაც განხილვაზე ჯერ უარი განაცხადა, შემდეგ კი მეორე ინსტანციამ სარჩელი უკან დაუბრუნა.

ახვლედიანი ამბობს, რომ სასამართლოში ვითარება მისი წამოსვლის შემდეგ გაუარესდა:

"გაცილებით უარესად არის სიტუაცია, მითუმეტეს ჩემი საქმის შემდგომ, მათ აჩვენეს თავიანთი შესაძლებლობები, თავიანთი ძალა. ეს არ არის მარტო კლანი, კიდევ უფრო მაღალი ორგანიზმია, ეს არის ქართული სახელმწიფოს სირცხვილი. ამ ყველაფრის გამოსწორებას არ შველის მხოლოდ მამუკა ახვლედიანის პროცესი. ადამიანები ითხოვენ სამართალს რომელიც ქვეყანაში არ არსებობს. ამას სჭირდება პოლიტიკური ნება თუ პოლიტიკური ნება არ არის უდნა შეიცვალოს პოლიტიკა და პოლიტიკოსები. აქამდე კლანები მართავდნენ ვითარებას ახლა ერთი დიდი ორგანიზმია, რომელიც გაცილებით საშიში და გავლენიანია".