გახსოვთ ბიტკოინი? ის დაბრუნდა და თანაც, ხმაურიანად.

ბიტკოინის ღირებულებამ 2018 წლის ზაფხულიდან მოყოლებული პირველად გადააჭარბა $8 000-ს და სავარაუდოდ, აღმავალი ტენდენცია მომავალშიც გაგრძელდება. ამის შესახებ Bloomberg, Forbes და CNN წერენ.

კრიპტოვალუტებისთვის წარმატებული პერიოდი მარტში დაიწყო, როცა ბიტკოინის ფასი 24 საათის განმავლობაში 20%-ით გაიზარდა.

ორშაბათს (13 მაისს) ბიტკოინის ფასს 25%-იანი ნახტომი ჰქონდა, რასაც სამშაბათს (14 მაისს) 5,9%-იანი მატება მოჰყვა. კრიპტოვალუტის მთელი ბაზრის ღირებულება კი $250 მილიარდით გაიზარდა. როგორც მოსალოდნელი იყო, ბიტკოინის გაძვირებას სხვა კრიპტოვალუტებზე მოთხოვნის მატებაც მოჰყვა. წინა კვირასთან შედარებით ყველა ძირითადი ვალუტის ფასი ორნიშნა ნიშნულითაა გაზრდილი.

ასეთი სწრაფი პროგრესი ბიტკოინს 2017 წლის შემდეგ არ განუცდია, როცა მისი ფასი $20 000-ს ასცდა. ბოლო 7 კვირის განმავლობაში ბიტკოინის ფასი $4 000-დან დღევანდელ ფასამდე, $8 100-მდე შეიცვალა.

მოდი, ვისაუბროთ მიზეზებზე

ფოტო: Reuters

კრიპტოვალუტების აღმასვლას უკვე მრავალი თვეა, ვარაუდობენ, თუმცა პროცესის კატალიზატორად რამდენიმე ფაქტორი მოგვევლინა. მაგალითად, დადებითი ბიძგი იყო კრიპტოვალუტებთან დაკავშირებული განცხადებები ისეთი დიდი ფინანსური ინტიტუტებისგან, როგორიც Fidelity Investmens-ია.

ბიტკოინის ექსპერტების აზრით, მნიშვნელოვანი როლი ითამაშა ამ კვირაში ნიუ-იორკში გამართულმა ბიტკოინის კონფერენციამ, Consensus 2019-მა.

ბოლო პერიოდში ინდუსტრიაში სასიკეთო ცვლილებები დაგროვდა: მაგალითად, ძვირფასი საათების შვეიცარიელმა მწარმოებელმა Franck Muller-მა გამოუშვა $50 000-იანი საათი, რომელიც QR-ის დახმარებით კრიპტოსაფულის მოვალეობას ასრულებს, შესუსტდა კრიპტოვალუტების მიმართ დაწესებული რეგულაციები და ფეისბუქმა თავდაპირველი შეზღუდვები მოხსნა, ხოლო მაიკროსოფტი დეცენტრალიზებულ პლატფორმას უშვებს, რომელიც ბლოკჩეინზე იქნება დაფუძნებული.

ინვესტორები თანდათან რწმუნდებიან, რომ ამჯერად ზრდა რეალურია და არა პროპორციებიდან ამოვარდნილი. კრიპტოენთუზიასტებს, რომლებმაც ციფრული ვალუტები "ტურბულენტობის" პერიოდშიც შეინარჩუნეს, როგორც იქნა, მოთმინება დაუფასდათ. ახლა ბევრად მეტი ადამიანი ყიდულობს ძირითად კრიპტოვალუტებს, ვიდრე - ყიდის. მოთხოვნა, რომელიც დიდი ხნის განმავლობაში შეკავებული იყო, ერთბაშად გათავისუფლდა. CNN-ის ეკონომიკური ექსპერტების აზრით, ბიტკოინი არსებობის პერიოდში პირველად არის სათანადოდ შეფასებული.

"2018 წლის ვარდნა უმეტესად სპეკულაციური ქმედებებების შედეგებს წარმოადგენდა", - ამბობს ევერეტ მილმანი, საინვესტიციო კომპანია Gainesville Coins-ის ანალიტიკოსი, - "თუკი ადრე ინვესტორები და ტრეიდერები ოცნებებისა და იმედების გამო ყიდულობდნენ ვალუტებს, ამჯერად ეს ფინანსური გათვლის შედეგია. ბიტკოინისა და სხვა კრიპტოვალუტების ყველაზე ცუდი პერიოდები უკვე ჩავლილია"

მართალია, მეინსტრიმ ინვესტორებისა და ინსტიტუტების თავიდან მოზიდვას დრო სჭირდება, თუმცა ტრენდი ნამდვილად არსებობს.

სად შეიძლება ვიყიდო ბიტკოინი და სხვა კრიპტოვალუტები?

ფოტო: Shutterstock

კრიპტოვალუტებით ვაჭრობისთვის უამრავი პლატფორმა არსებობს, თუმცა MyCoins.ge ქართველი მომხმარებლებისთვის ყველაზე კომფორტული სივრცეა. ეს არის კრიპტოსაფულე, სადაც მარტივად შეგიძლიათ შექმნათ ანგარიში, იყიდოთ ან გაყიდოთ ძირითადი კრიპტოვალუტები და ისარგებლოთ სხვადასხვა სერვისით.

რა შეგიძლიათ MyCoins-ზე:

  • 6 კრიპტოვალუტის ყიდვა, გაყიდვა, მიღება და გაგზავნა

Mycoins.ge საშუალებას გაძლევთ, მართოთ კრიპტოსავალუტო ოპერაციები და უმარტივესად იყიდოთ, გაყიდოთ, მიიღოთ ან გააგზავნოთ თქვენთვის სასურველი კრიპტოვალუტა. საიტზე შეგიძლიათ რეალურ დროში ადევნოთ თვალი ისეთი პოპულარული ვალუტების ფასის ცვლილებას, როგორებიცაა ბიტკოინი, რიპლი, ბიტკოინ ქეში, ლაითკოინი, დეში და ეთერიუმი. რაკი გადაწყვეტილების მისაღებად ინფორმაცია უმნიშვნელოვანესი იარაღია, შეგიძლიათ ბლოგის დახმარებით მუდმივად ინფორმირებული იყოთ კრიპტობაზრის ტენდენციების შესახებ.

გარდა სტანდარტული ოპერაციებისა, Mycoins-ზე დამატებით სერვისებსაც შეხვდებით. მაგალითად, კრიპტოვალუტებით ვაჭრობასთან დაკავშირებული რისკების დასაზღვევად შეგიძლიათ ავტომატური ყიდვა/გაყიდვის ფუნქციით ისარგებლოთ. ეს სერვისი შესაძლებლობას გაძლევთ, თავად განსაზღვროთ, როგორი კურსით გსურთ კრიპტოვალუტის ყიდვა ან გაყიდვა. ფასის გადამოწმება ყოველ 30 წამში ერთხელ ხდება.

წარმოიდგინეთ, რომ თქვენ გაქვთ დოლარი, რომლის გადახურდავებაც საუკეთესო კურსით გინდათ. ამავდროულად კი არსებობს მყიდველთა ჯგუფი, რომელიც მზადაა თქვენგან სწორედ ამ კურსით შეიძინოს დოლარი. მარკეტ ორდერი არის ფუნქცია, რომელიც ერთმანეთს გაპოვნინებთ და ვაჭრობის პროცესს ავტომატურად აქცევს. ამ სერვისის დახმარებით, თქვენ თავად შეგიძლიათ განსაზღვროთ სისტემის მიერ შემოთავაზებული ინტერვალიდან კრიპტოვალუტის კურსი, რომელიც საბაზრო კურსზე უფრო უკეთესია. ამის შემდეგ, განსაზღვროთ პერიოდი, თუ რამდენი დღით ან თვით გსურთ ამ ინტერვალის შენარჩუნება და დაარეგისტრიროთ დავალება. სისტემა იმ წამსვე დაიწყებს თქვენთვის შესაბამისი მეწყვილეს ძიებას და ამ პროცესს თქვენ მიერ მითითებულ ვადამდე არ შეწყვეტს. ამ გზით შეძლებთ, თქვენი კრიპტოვალუტა საბაზროზე უკეთესი კურსით გაყიდოთ ან იყიდოთ.

ბიტკოინისა თუ სხვა ციფრული ვალუტების ზრდა, სავარაუდოდ, მომდევნო თვეებშიც გაგრძელდება. ჩვენი მხრივ კი გეტყვით, რომ ბაზრისთვის თვალყურის დევნება და ინფორმირებულობა ნებისმიერი ფინანსური გადაწყვეტილების მიღების პროცესში აუცილებელია.