გადაცემაში შეხვედრები რეგიონულ მედიასთან, ტელეკომპანია გურჯაანის ჟურნალისტის კითხვაზე, უყურებს თუ არა ბიძინა ივანიშვილი ტელეკომპანია გურჯაანს, ყოფილმა პრემიერმა უპასუხა, რომ ის ცენტრალურ ტელევიზიებსაც კი ვერ უყურებს, არათუ რეგიონულს:

"სამწუხაროდ არათუ რეგიონულ ტელევიზიებს, ცენტრალურ ტელევიზიებსაც კი ვერ ვუყურებ, ვკითხულობ მონიტორინგს და ვახერხებ, მხოლოდ კითხვით მივიღო ინფორმაცია. დრო არ მაქვს, ისე კი, რეგიონულ მედიას ყურადღება სჭირდება, რომ ბიზნესი განვითარდეს და თქვენ შესატყვისი შემოსავალი გქონდეთ".

შეხვედრები რეგიონულ მედიასთან - ასე ჰქვია ტელეკომპანია GDS-ის ახალ საარჩევნო პროექტს, რომელშიც ყოფილი პრემიერმინისტრი, ბიძინა ივანიშვილი მონაწილეობს. გადაცემას 20:30-ის ჟურნალისტები ნათია თოიძე და მიხეილ ფეიქრიშვილი უძღვებიან.