კემბრიჯის ჰერცოგისა და ჰერცოგინიის ქალიშვილი, პრინცესა შარლოტა 4 წლის გახდა, რაც სამეფო ოჯახმა ქეით მიდლტონის მიერ გადაღებული ტრადიციული ახალი სურათებით აღნიშნა.

ახალი სურათები კენსინგტონის სასახლესა და მისი ოჯახის სახლში, ანმერ ჰოლშია გადაღებული.

სასახლის ეზოში გადაღებულ ფოტოში შარლოტას საზაფხულო, ყვავილებიანი კაბა აცვია და ბალახზე ელეგანტურად ზის.

ფოტო: Duchess of Cambridge

სხვა სურათებში კი ის ყვავილით ხელში დარბის და ხის ღობეზეა შემოსკუპებული.

ფოტო: Duchess of Cambridge

ფოტო: Duchess of Cambridge

პრინცესა შარლოტა რიგით მეოთხეა, ვისაც შესაძლოა სამეფო გვირგვინი ერგოს. ის 2015 წლის 2 მაისს დაიბადა. შარლოტას უმცროსი ძმა, პრინცი ლუისი ერთი წლის 23 აპრილს გახდა, უფროს ძმას, ჯორჯს კი ექვსი წელი 22 ივლისს უსრულდება.

კემბრიჯის ჰერცოგი და ჰერცოგინია შვილებთან ერთად საშობაო ბარათზე. 2018 წლის დეკემბერი.

ფოტო: Matt Porteous

პრინცესა შარლოტას მალე ბიძაშვილი ეყოლება. სასექსის ჰერცოგინია მეგან მარკლი და პრინცი ჰარი პირველ შვილს მაისის დასაწყისში ელოდებიან.