შინაგან საქმეთა მინისტრს, გიორგი გახარიას საქართველოს პარლამენტში 2 მაისს მოუსმენენ. ამის შესახებ საქართველოს პარლამენტის თავმჯდომარემ, ირაკლი კობახიძე პარლამენტის ბიუროს სხდომაზე განაცხადა.

საკანონმდებლო ორგანოში გიორგი გახარიას მისვლა მინისტრის საათის ფარგლებშია დაგეგმილი. შს მინისტრი სხვა საკითხებთან ერთად, პანკისის ხეობაში განვითარებულ მოვლენებთან დაკავშირებით ისაუბრებს.

პარალელურად, მას ფრაქცია ევროპული საქართველოც იბარებდა. პასუხად, გიორგი გახარიამ თქვა, რომ პარლამენტში მისვლას ისედაც გეგმავდა და ევროპულ საქართველოსთან ყავაზე მივიდოდა. მოგვიანებით, დეპუტატმა ელენე ხოშტარიამ მიიღო გახარიას "შეთავაზება" და განაცხადა, რომ "ყავას საკუთარი ხელით მოუდუღებს, თუ ის ყველა კითხვას უპასუხებს".

გაიგე მეტი: რას ეწინააღმდეგებიან პანკისში — ყველაფერი მოკლედ