მაიამის ზოოპარკში იშვიათი სახეობის მარტორქა დაიბადა. დაწესებულების მიხედვით, ის ამ სახეობაში პირველია, რომელიც კონსერვაციის პირობებში დაიბადა.

ახალშობილის სქესი უცნობია. მისი დედა შვიდი წლის ინდური მარტორქაა. დედაც და პატარა ცხოველიც თავს კარგად გრძნობენ, თუმცა მშობელთან განცალკევების პირველივე შემთხვევაში ზოოპარკი მის საფუძვლიან გამოკვლევას გეგმავს.

სახეობის წარმომადგენლები ბრაკონიერების სამიზნე და მსხვერპლი ხშირად ხდებიან, ამის მიზეზი კი მათი რქაა, რომელიც აზიურ ქვეყნებში საკმაოდ ძვირად იყიდება. მსოფლიოს მასშტაბით 3 500-მდე ინდური მარტორქაა დარჩენილი.

მარტორქები შვილებს 2-3 წელიწადში ერთხელ აჩენენ. მათი ორსულობის პერიოდი 15-დან 16 თვემდე გრძელდება.

ახალშობილის მშობლები, 7 წლის დედა და 18 წლის მამა სან-დიეგოს ზოოპარკში დაიბადნენ. დედას აკუტი ჰქვია, რაც პრინცესას ნიშნავს. ის მაიამის ზოოპარკში 2016 წელს მიიყვანეს. მამა კი, სახელად ზურუ, მაიამიში 2003 წლიდანაა.