მედიაში სიძულვილის ენისა და ეკლესიის მიმართ კრიტიკული განცხადებების შესასწავლად სამუშაო ჯგუფი შეიქმნა. ამის შესახებ საპატრიარქოს პრესცენტრის ხელმძღვანელმა, მამა ანდრია ჯაღმაიძემ განაცხადა. ინფორმაციას პალიტრანიუსი ავრცელებს.

"ვაპირებთ, რომ საერთაშორისო გამოცდილებას ანალიზი გავუკეთოთ, როგორ ხდება იქ სატელევიზიო სივრცის დარეგულირება ისე, რომ იქიდან არ მოდიოდეს ასეთი ოდენობით აგრესია, ასეთი ოდენობით ძალადობა, უხამსობა", — თქვა ჯაღმაიძემ.

მისი განცხადებით, ამ სამუშაო ჯგუფში საპატრიარქოს გარდა შედიან არასამთავრობო ორგანიზაციები და სხვა დაინტერესებული პირები, რომლებიც მისივე თქმით, ამ საკითხებითა და პრობლემებით არიან დაკავებულები.