რამდენიმე წუთის წინ კანის კინოფესტივალის პრესკონფერენცია გაიმართა, სადაც ის ფილმები დაასახელეს, რომლის ნახვასაც კანში ჩასულ სტუმრებს ფესტივალის განმავლობაში შეეძლებათ.

მთავარი პრიზისთვის ერთმანეთს ცხრამეტი ფილმი შეეცილება. მათ შორის არის პედრო ალმოდოვარის, კენ ლოუჩის, ჟან პიერ და ლუკ დარდენების, ქსავიე დოლანის, ტერენს მალიკის, კენ ლოუჩისა და ჯიმ ჯარმუშის ფილმები.

კანის კინოფესტივალის წლევანდელ პოსტერზე ლეგენდარული რეჟისორი, ანიეს ვარდაა გამოსახული, რომელიც 29 მარტს 90 წლის ასაკში გარდაიცვალა.

კანის კინოფესტივალის ჟიურის წელს მექსიკელი რეჟისორი, ალეხანდრო გონსალეს ინიარიტუ უხელმძღვანელებს.

რაც შეეხება სექცია განსაკუთრებულ ხედვას, აქ ჟიურის თავმჯდომარე ლიბანელი რეჟისორი, გასული წლის ერთ-ერთი ყველაზე მნისვნელოვანი კინომოვლენის Capernaum რეჟისორი, ნადინ ლაბაკია.

კინოფესტივალს ჯიმ ჯარმუშის ზომბი აპოკალიფსზე გადაღებული ფილმი The Dead Don't Die გახსნის.

კინოსურათში მთავარ როლებს ბილ მიურეი, ტილდა სუინტონი, სელენა გომეზი, ადამ დრაივერი, სტივ ბუშემი და ტომ ვაითსი ასრულებენ.

კიდევ ერთი ფილმი, რომელიც დღის სინათლეს კანში იხილავს ელტონ ჯონის შესახებ გადაღებული ფილმი Rocketman იქნება. თუმცა, დექსტერ ფლეტჩერის ეს ფილმი მონაწილეობას არ მიიღებს საკონკურსო პროგრამაში. კონკურსგარე პროგრამაში ასევე უჩვენებენ:

  • კლოდ ლელუშის The Best Years of Life-ს (მთავარ როლებში ანუკ ემე და ჟან-ლუი ტრენტინიანი)
  • ასიფ კაპადიას დოკუმენტურ ფილმს დიეგო მარადონაზე
  • ნიკოლას ბედოსის Belle Epoque-ს (მთავარ როლებში გიომ კანე და ფანი არდანი)
  • ნიკოლას ვინდინგ რეფნის სერიალს Too Old to Die Young

კანის კინოფესტივალი უკვე წლებია კინოვარსკვლავების თავშეყრის ადგილად იქცა. წითელ ხალიჩასა თუ პრესკონფერენციებზე ერთმანეთს მსოფლიო დონის მსახიობები, მუსიკოსები და რეჟისორები ენაცვლებიან.

გამონაკლის არც წლევანდელი წელი იქნება. ასე რომ, ვნახოთ, რომელი ვარსკვლავები ისეირნებენ წელს კრუიზეტის სანაპიროზე:

პენელოპე კრუზი

ანტონიო ბანდერასი

ლეა სეიდუ

სონია ბრაგა

ადელ ეგზარქოპულოსი

ქსავიე დოლანი

ბენ უიშოუ

ტილდა სვინტონი

ბილ მიურეი

ადამ დრაივერი

სელენა გომეზი

სტივ ბუშემი

იზაბელ იუპერი

ელტონ ჯონი

ფერნანდა მონტენეგრო

ანუკ ამე

ჟან-ლუი ტრენტინიანი

მონიკა ბელუჩი

ბრაის დალას ჰოვარდი

რიჩარდ მადენი

ტერონ ეგერტონი

გიიომ კანე

ფანი არდანი

უილიამ დეფო

რა თქმა უნდა ეს იმ ვარსკვლავების სრული ჩამონათვალი არაა, ვინც წელს კანის კინოფესტივალს დაესწრება. საკონკურსო პროგრამას შესაძლოა რამდენიმე ფილმი კვლავ დაემატოს. გარდა ამისა, მალე კანის წლევანდელი ჟიურის სრული შემადგენლობაც ცნობილი გახდება, რაც იმას ნიშნავს, რომ ლაჟვარდოვან სანაპიროზე ჩამოსული სახელოვანი სტუმრების რიცხვი გაიზრდება.