გარემოსდაცვითი ზედამზედველობის დეპარტამენტი მოსახლეობას აფრთხილებს, რომ ტყეში ბზის მოჭრა, ამოძირკვა, ან ტოტების დაზიანება დასჯადი ქმედებაა, რომელზეც გათვალისწინებულია, როგორც ადმინისტრაციული, ასევე სისხლის სამართლის პასუხისმგებლობის ზომები.

კანონით, ბზის მოჭრის შემთხვევაში ჯარიმა 500-დან 1 000 ლარამდეა, ხოლო, თუ გარემოსათვის მიყენებული ზიანი გადააჭარბებს 1 000 ლარს — აღიძვრება სისხლის სამართლის საქმე.

უწყების ცნობით, ბზობის დღესასწაულთან დაკავშირებით, ეროვნულ საშენ მეურნეობასა და კერძო სანერგეებში გამოყვანილ ბზის შეძენა შესაძლებელია ეკლესიების მიმდებარე ტერიტორიებზე. კოლხური ბზა მარადმწვანე მცენარეა, რომელიც საქართველოს წითელ ნუსხაშია შეტანილი.