ჩეჩნეთის რესპუბლიკის მმართველის მოვალეობის შემსრულებელი რამზან კადიროვი ჩეჩენი ქალის დღისადმი მიძღვნილ ღონისძიებაზე აბჯრით, ჩაფხუტით, ლატებით, ხმლითა და შუბით გამოცხადდა. ინფორმაციას RIA Novosti ავრცელებს.

გროზნოში მდებარე სასახლეში რამდენიმე ასეული გოგონა და ჩეჩნეთის ცნობილი ქალები შეიკრიბნენ.

"გვიხარია, რომ ჩეჩენი ქალები ყოველწლიურად იპყრობენ ახალ სიმაღლეებს მეცნიერებაში, კულტურაში, ჯანმრთელობის დაცვასა და სამოქალაქო ცხოვრებაში. მე თბილად მივულოცე ყველა ჩეჩენ ქალს, ვუსურვე მშვიდობა და აყვავება. ყველა გოგონამ საჩუქრად მიიღო ულამაზესი თაიგული. ქუჩაში კი, ღამის ცა სადღესასწაულო ფეიერვერკებმა გაანათეს." - წერს კადიროვი თავის ინსტაგრამზე.

ჩეჩენი ქალის დღე 2009 წლიდან, ყოველწლიურად აღინიშნება. დღესასწაული კავკასიურ ომში დაღუპული 46 ჩეჩენი გოგონას ხსოვნას ეძღვნება.