ქართული ოცნების დეპუტატი, ისკო დასენი რუსთავი 2-თან საუბრისას ადასტურებს, რომ პარლამენტში კენჭისყრის დროს სხვა დეპუტატის პულტით მისცა ხმა. ისკო დასენი განმარტავს, რომ მეგობრის, ვიქტორ ჯაფარიძის პულტი გამოიყენა რადგან მან დარბაზში შესვლა ვერ მოასწრო.

"ვიქტორ ჯაფარიძე იქვე იყო უბრალოდ და მე დავაჭირე სანამ შემოვიდოდა. თუ დარღვევაა, დამსჯიან, მზად ვარ ვაგო პასუხი. ჩემი მეგობარი აქვე იყო, უბრალოდ ვერ მოასწრო", — ამბობს ისკო დასენი.

დღეს, 17 აპრილის პლენარულ სხდომაზე პარლამენტის თავმჯდომარემ, ირაკლი კობახიძემ დაადასტურა, რომ ზოგიერთი დეპუტატი რეგისტრაციას სხვა პარლამენტარის დახმარებით გადის, კერძოდ მათ ბარათებს სხვა დეპუტატები ატარებენ. როგორც კობახიძე ამბობს, ამ პრაქტიკას ყველა ფრაქციაში მიმართავენ.