გადაცემაში შეხვედრები რეგიონულ მედიასთან, ყოფილმა პრემიერმინისტრმა, ბიძინა ივანიშვილმა განაცხადა, რომ ეროვნული ფორუმის ერთ-ერთი ლიდერი, გუბაზ სანიკიძე პოლიტიკაში იმიტომ მოვიდა, რომ ფულის კეთება უნდოდა, თუმცა, ვერ იშოვა და ამის გამო ივანიშვილს აკრიტიკებს:

"რაც შეეხება ეროვნულ ფორუმს. გუბაზ სანიკიძესთან პირადი წყენა არასდროს მქონია, ისევე როგორც სხვებთან არ მქონია. გადმოხტა და ისეც ცუდად მომიხსენიებს. ამ დროს ნახეთ მისი გამონათქვამი, ამბობს, რომ მილიონერი უნდა გახდეს. მოვიდა პოლიტიკაში ეს კაცი, ერთ-ერთი უმაღლესი თანამდებობაც ეჭირა, პარლამენტის თავმჯდომარის მოადგილე იყო, მაგრამ ვერ იშოვა ფული. ახლა ესენიც ჩემს წასვლას ნატრობენ, ცუდად მომიხსენიებს".

შეხვედრები რეგიონულ მედიასთან - ასე ჰქვია ტელეკომპანია GDS-ის ახალ საარჩევნო პროექტს, რომელშიც ყოფილი პრემიერმინისტრი, ბიძინა ივანიშვილი მონაწილეობს. გადაცემას 20:30-ის ჟურნალისტები ნათია თოიძე და მიხეილ ფეიქრიშვილი უძღვებიან.