გადაცემაში შეხვედრები რეგიონულ მედიასთან, ყოფილმა პრემიერმინისტრმა, ბიძინა ივანიშვილმა განაცხადა, რომ დღეს მინისტრებს შორის ნოდარ ხადური ნაკლები პოპულარობით სარგებლობს, თუმცა, ის კარგი ფინანსთა მინისტრია:

"ყველაზე არაპოპულარული მინისტრი არის ხადური, რაც მე ვიცი, და რას სთხოვენ ხადურსაც... ხადური არის კარგი ფინანსთა მინისტრი, თუ ნახავთ მის მოღვაწეობას. საჭმელს უთვლიდნენ, ბოლოს და ბოლოს იქ ჩავიდნენ. ამ დონეზე ჩავიდნენ, მაგრამ ფინანსთა სამინისტროში რომ კორუფცია არ არის, რა ხდებოდა ნაცების დროს, რომ ნახავთ, დღეს ხადურის შესაფასებელია. თუმცა, დღეს, როგორც მე ვიცი, ყველაზე არაპოპულარულია რეიტინგებით. და სხვა მინისტრები ჩამოთვალეთ, რამდენი წარმატებული მინისტრი გვყავს. ეს გუნდი არის დღეს, მას გამოცდილება აქვს, დაამტკიცა თავისი წესიერება, იცავს ძირითად სტანდარტებს, რომ კანონს დაემორჩილონ და ხალხს მოემსახურონ. შეიძლება მენეჯმენტში, ცალკეულ გუნდის წევრებთან, გვქონდეს შეკითხვები."

შეხვედრები რეგიონულ მედიასთან - ასე ჰქვია ტელეკომპანია GDS-ის ახალ საარჩევნო პროექტს, რომელშიც ყოფილი პრემიერმინისტრი, ბიძინა ივანიშვილი მონაწილეობს. გადაცემას 20:30-ის ჟურნალისტები ნათია თოიძე და მიხეილ ფეიქრიშვილი უძღვებიან.