ცნობილ როკმუსიკოსს, ბორის გრებენშჩიკოვს სასულიერო პირმა მცხეთაში, ჯვრის მონასტერთან დაკვრა შეაწყვეტინა. ვიდეო გრებენშჩიკოვის ჯგუფის, აკვარიუმის ტურ-მენეჯერმა Facebook-ზე გამოაქვეყნა.

ვიდეოში ჩანს, რომ მუსიკოსები მონასტერთან სიმღერას ასრულებენ, რა დროსაც მღვდელი მათ ყვირილით ეჭრება და დაკვრას აწყვეტინებს.

"დაანებეთ, გადაიყვანეთ ჭიშკართან… რა კონცერტებს მართავ აბა ეკლესიის ეზოში, რა დისკოთეკებს მართავ… ცნობილი კი არა, რა კონცერტებს მართავ, გადაიყვანე გადაღმა, ცნობილი წაიყვანე სადაც გინდა", — მიმართავს სასულიერო პირი იქვე მდგომ ქალს, რომელიც მის დამშვიდებას ცდილობს.

დღეს, 14 აპრილს თბილისში ბორის გრებენშჩიკოვისა და ჯგუფ აკვარიუმის კონცერტი გაიმართება.